TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Procesi i zgjedhjes që po bën qeveria sipas Sali Berishës po diskrediton institucionin e Presidencës.
Deklarata e Berishës ka ardhur menjëherë pas mbledhjes së Grupit Parlamentar të PD-së, ku Berisha pati përplasje të forta me Enkelejd Alibeajn, duke thënë se është i komanduar i Taulant Ballës.
“Kjo diskretidton Presidencën dhe zgjedhjen. Praktikë kjo që përlyen qartësisht me aspekte mafioze çdo lloj pjesëmarrje, një proces ku duhet të merrnin pjesë të gjitha palët. Praktikë kjo që nuk ka qëllim tjetër. Veç të nxjerr nga zyrat njeriun që do dhe komandon,”-tha Berisha.
Sipas Berishës, Presidenti do të zgjidhet nga vetë Edi Rama dhe se procesi është thjeshtë formal, në të cilin opozita nuk duhet të marrë pjesë.
“Rithemelimi nuk e njeh Alibeajn. Do të mblidhet kongresi, këshilli Kombëtar do e nxjerr kryetarin. Unë i quaj vendime të paqena. Imagjinoni kur ajo zhvillohet me zarfe sekret brenda grupi si mund të jetë ajo me opozitën. Në radhë të parë përcaktohen rregullat.
Më thoni kush u propozua nga anëtarët e grupit parlamentar? Ai që donë Edi Rama. Kështu do nxjerrë edhe emrin që do Edi Rama.
Ndaj u bë sekret. Ato thonë dërgoni email. Del në funksion të narkoshtetit.
Ç’punë ka opozita me këtë proces. Nuk mundet opozita të legjitimojë një proces të tillë. Ai fare mirë të procedojë me votat e tij por jo të poshtëroj të tjerët,-” Shtoi Berisha.
