TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një aksident me pasojë vdekjen në vendin e punës ka ndodhur në zonën e Veronës, pasditen e djeshme, në Itali.
Rreth orës 16:00, media italiane, Telenouvo.it, shkruan se 66-vjeçari shqiptar, i identifikuar si Kujtim Aliraj, humbi jetën pasi u rrëzua nga një lartësi prej tre metrash në kantierin e një shtëpie private.
66-vjeçari ka rënë nga një skelë dhe ka gjetur vdekjen e menjëhershme.
Në vendngjarje ka mbërritur helikopteri, por nuk mundën të bënin gjë, pasi kishte ndërruar jetë.
Kanë nisur hetimet për të verifikuar nëse janë respektuar të gjitha standardet e sigurisë gjatë punës brenda kantierit.
