AKTUALITET, 18 Mars 2023, 22:17

Përfundon takimi Kurti-Vuçiç, pritet deklarimi i Borrellit për rezultatin

Përfundon takimi Kurti-Vuçiç, pritet deklarimi i Borrellit

Ka përfunduar takimi trepalësh mes kryeministrit të Kosovës, Albin Kurti dhe presidentit të Serbisë, Aleksandar Vuçiq, nën ndërmjetësim të zyrtarëve të Bashkimit Evropian, i cili u mbajt në Ohër.

Lajmin e ka konfirmuar zëdhënësi i Bashkimit Evropian, Peter Stano, i cili ka bërë të ditur se përfaqësuesi i lartë të Bashkimit Evropian për Politikë të Jashtme dhe Siguri, Josep Borrell, së shpejti do të informojë për rezultatin e arritur.

“Përfundoi takimi i nivelit të lartë të dialogut të lehtësuar në Ohër. Josep Borrell do të ju informojë së shpejti për rezultatin”, ka shkruar Stano.


Takimi kishte në agjendë planin e zbatimit të propozimit evropian për normalizimin e raporteve, për përmbajtjen e të cilit palët u darkoduan më 27 shkurt në Bruksel.