TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kuvendi njohu sot si kryetare të Grupit Parlamentar, Flutura Açkën, me grupit të Lulzim Bashës, pasi ai ia delegoi detyrën e marrë pas ndryshimeve statutore në Kuvendin e PD-së. Por kjo u shoqërua me tensione të ashpra nga ish-kreu i grupit, Gazment Bardhi.
Pasi kryetarja e Kuvendit, Lindita Nikolla lexoi një shkresë të depozituar nga Gazment Bardhi, i cili pretendon se nuk ka asnjë ndryshim, pra se kreu i grupit nuk ka ndryshuar dhe se është ai kryetari, PD zyrtare pretendon krejt të kundërtën.
“Grupi i PD nuk ka bërë asnjë ndryshim të kryetarit. Për anëtarët e grupit të PD është e papranueshme që maxhoranca të ndërhyjë në punët e brendshme të grupit parlamentar të PD-së”, thuhet në letrën e Gazment Bardhit drejtuar kryetares së Kuvendit, Lindita Nikolla.
Nikolla lexoi një tjetër shkresë të PD-së zyrtare, ku pozicioni i kryetarit të grupit të PD-së i delegohej Flutura Açkës. Kaq mjaftoi që të ngrihej nga vendi i tij deputeti Bardhi, ndërkohë që Nikolla kërkoi ndërhyrjen e Gardës.
Gjatë debatit ka ndërhyrë edhe Agron Gjekmarkaj, sipas të cilit Basha ka vetëm 7 deputetë.
“Ne për fat të keq kemi pasur shumë probleme me matemikën 7×7 bëjnë 42 dhe nuk na kanë dale mirë për 10 vite. Në fakt matematicieni në fjalë ka vetëm 7 numra dhe nuk ka me çfarë e shumëzon për tu bërë 49. 49 jane në krahun tjetër. çdo përsiatje është e kotë dhe e tepërt kur numrat janë të qartë dhe shihen me sy nga atje lart dhe ëhstë e kotë të vazhdohet ky debat”, tha Gjekmarkaj.
Bardhi e ka cilësuar komplot shkresën e PD që lexoi kryetarja e Kuvendit, Lindita Nikolla, ku njoftohej se Flutura Açka ishte kryetarja e grupit parlamentar.
Ky i fundit me tone të forta u shpreh kundër, ndërsa pohoi se nuk po diskutohej për kreun e grupit të PS-së. Ndërkohë, Nikolla tha se nuk i merrte leje se kujt ia jepte fjalën apo se si do të procedohej në Kuvend.
DEBATI
Bardhi-Çuçit: Qesh ti (Çuçi) se të merr Lindita në zyrë dhe vendos kryetarin e grupit të PD
Bardhi: Gënjyet kur thatë se po prisni opinion e zyrës juridike të Kuvendit.
Nikolla-Bardhit: Ju nuk rrini te vrima e çelësit të zyrës time të dini më kë flas unë
Bardhi-Nikolla: Nuk mund të thërrisni lloj lloj deputeti që ju vjen në zyrë me lloj -lloj zari që ju vjen nga pas
