TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Protesta që po zhvillohet prej tri ditësh në Tiranë vijon të shoqërohet me tensione dhe incidente. Në zonën e Unazës, në të dyja anët e Lanës, protestuesit kanë bllokuar rrugën, ndërsa janë dëgjuar shpërthime dhe janë shkaktuar dëme në hapësirat publike.
Gjatë protestës, disa prej pjesëmarrësve janë parë duke shkulur shtyllat e ndriçimit, ndërsa qindra protestues të maskuar kanë vijuar të qëndrojnë në rrugë.
Ndërkohë, një vajzë e pranishme në protestë është lënduar në kokë dhe është transportuar me urgjencë në spital për të marrë ndihmë mjekësore.
Sipas informacioneve paraprake, dyshohet se ajo është goditur nga një bombol e përdorur nga Policia për përhapjen e gazit lotsjellës. Për shkak të gjakderdhjes së madhe, vajza është dërguar me urgjencë për trajtim mjekësor.
Deri më tani, nuk ka informacion të konfirmuar mbi rrethanat e sakta të dëmtimit të saj.
