TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Man Sinani, administratori i pallatit ku shpërtheu zjarri në lagjen “Skënderbeg” në Lezhë, ka rrëfyer momentin kur konstatoi flakët në katin e parë të ndërtesës. Ai tregon se ngjarja ndodhi rreth orës 16:00 të kësaj të shtune, teksa po zbriste shkallët e pallatit.
Menjëherë pasi vuri re zjarrin, Sinani njoftoi policinë dhe shërbimin zjarrfikës, ndërsa u angazhua edhe në nxjerrjen e banorëve nga ndërtesa.
“Ishte ora 16:00, isha duke zbritur shkallët kur shoh flakë te kati i parë këtu se jam edhe administratori i pallatit, thashë çka ndodhur. Shkoj gjej një person aty, i shkreti, lajmëruam policinë dhe erdhëm. Nxorrëm edhe njerëzit, falënderoj zjarrfikësen që i nxori të gjithë nga kati i parë në të fundit. U bë mjegull e tym”, tregon administratori.
Si pasojë e zjarrit, disa banorë kanë pësuar lëndime të lehta dhe asfiksi, por fatmirësisht ndodhen jashtë rrezikut për jetën.
Administratori tregon se në momentet e para ishte shqetësuar për mundësinë e pranisë së një bombole gazi në zonën ku kishte rënë zjarri.
“Zjarri nisi që në katin e parë këtu që duket nga shkallët. Një person më thirri, u temba nëherë se mendova mos ka ndonjë bombol gazi. Zjarrfikësja e policia kanë ardhur urgjentisht”, tha Sinani.
