TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Sadete Fiku dhe djali i saj, Gazmir Fiku, kanë mohuar përfshirjen në vrasjen e 61-vjeçarit Urim Fiku, ngjarje e ndodhur më 3 nëntor në fshatin Godvi të Bulqizës.
Gjatë seancës që po zhvillohet në Gjykatën e Dibrës për caktimin e masës së sigurisë, ata janë shprehur se nuk kanë lidhje me krimin.
“Nuk e vramë ne, nuk kemi lidhje me ngjarjen”, kanë deklaruar ata.
57-vjeçarja dhe djali i saj 33-vjeçar u arrestuan një ditë pas ngjarjes, pasi dyshohen për përfshirje në vrasjen e Urim Fikut.
Fillimisht, familjarët pretenduan se 61-vjeçari ishte sulmuar nga një ari, por ekspertiza mjeko-ligjore zbuloi se ai kishte një plagë arme zjarri në gjoks.
Gjithashtu, në trupin e viktimës u konstatuan dëmtime në kokë, duke shtuar dyshimet e hetuesve për rrethanat e vdekjes.
