TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Është mbajtur në GJKKO seanca ndaj kolumbianit Saimir Rosales Rodriguez, 53 vjeç, i dënuar me 14 vite burg për laboratorin e kokainës në Frakull.
Seanca është zhvilluar në kuadër të procedurave pas ekstradimit të tij në Shqipëri. Në përfundim të seancës, GJKKO ka vendosur ta lërë Rodriguez në masën e sigurisë “arrest në burg”.
53-vjeçari u ekstradua nga Kolumbia dhe mbërriti në Shqipëri të enjten në mbrëmje, pas procedurave të kryera nga autoritetet për kthimin e tij në vend.
Saimir Rosales Rodriguez është një nga trafikantët e përfshirë në dosjen e Frakullës, ku bëhet fjalë për laboratorin e kokainës. Ai njihet ndryshe me nofkën “Kimisti”.
Pas operacionit antikokainë në Frakull, Rodriguez kishte arritur të largohej nga Shqipëria dhe të qëndronte jashtë vendit. Më pas, autoritetet shqiptare vijuan procedurat për ekstradimin e tij nga Kolumbia.
Tashmë, pas mbërritjes në Shqipëri dhe zhvillimit të seancës në GJKKO, gjykata ka vendosur masën “arrest në burg” për 53-vjeçarin, i cili është i dënuar me 14 vite burg për laboratorin e kokainës në Frakull.
