TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ka nisur procesi gjyqësor mes kryetarit të PD, Lulzim Basha dhe kreut të grupit parlamentar të PS, Taulant Balla, që ky i fundit ka hapur për akuzën e shpifjes ndaj liderit demokrat.
Gjyqtari në seancë pyeti se nga e ka marrë Lulzim Basha informacionin për përfshirjen e Ballës.
Basha nuk tregon burimin e informacionit, tha deputeti i PD dhe njëkohësisht eksperti ligjor Gazmend Bardhi.
“Informacioni është i saktë dhe i provuar. E pranoi edhe Balla në kallzimin e tij,” tha Bardhi.
Ndërkohë vetë Balla tha se Basha është shpifës. “Kështu siç thotë Basha i bie që e kam informuar unë. Unë kallëzimin e kam bërë pas deklaratave të Bashës. Basha është shpifës, të dënohet për këtë shpifje,” tha Balla.
Avokatët e Bashës nuk kanë pranuar të jepnin burimin se nga e kishin marrë paraprakisht informacionin për Toyota-t me miliona euro që u kapën në Durrës, por deklaruan se është një burim i besueshëm.
