TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Inter-Juventus do të luhet siç është planifikuar më 12 janar në "San Siro". Shtyrja e kërkuar nga dy klubet për shkak të situatës të Covid-19 nuk është pranuar. "Zikaltërit" dhe "Bardhezinjtë" kishin kërkuar shtyrjen e ndeshjes por gjashtë drejtorët e refuzuan njëzëri propozimin.
Pas vendimit të qeverisë për t’u rikthyer në 50% kapacitet në stadiume, Interi dhe Juventusi kërkuan të shtynin finalen e Superkupës në pranverë, me datën 18 maj si datë të mundshme. Në këtë mënyrë, dy klubet shpresonin të luanin sërish në një Meazza të mbushur me të paktën 75% dhe në një periudhë më pak intensive ndeshjesh të ngushta si në këtë muaj janar. Propozimi i shtyrjes, megjithatë, nuk i bindi 4 drejtorët e Legës, Tomaso Xhulini (Kaljari), Luka Perkasi (Atalanta), Paolo Skaroni (Milan) dhe Mauricio Seti (Verona) .
Ndeshja mes kampionit të Italisë, Interit dhe fituesit të Kupës së Italisë, Juventusit do të zhvillohet të mërkurën, më 12 janar në stadiumin "Giuseppe Meazza" në Milano, duke filluar nga ora 21:00.
Ndërkohë që shitja e biletave për finalen e Superkupës së Italisë është ende e pezulluar, duke pasur parasysh dispozitat e reja të qeverisë për Covid-in që ulin kapacitetin e stadiumeve në 50 për qind.
