TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një lajm tronditës është përhapur në Spanjë, teksa një program në media ka zbuluar se presidenti i katalanasve, Josep Maria Bartomeu bashkëpunon me një kompani E3 Ventures, e cila ka si detyrë të ngrejë imazhin e tij dhe të njollosë atë të kundërshtarëve të tij në klub, duke përfshirë edhe lojtarët aktualë si Mesi e Pike, gjithashtu edhe ish-futbollistë si Çavi apo Pujol.
Kjo kompani ka lidhur një kontratë me klubin para tre viteve, ndërsa ishte e specializuar në krijimin e llogarive në rrjete sociale. Kështu, nëpërmjet rrjeteve sociale zbatonin planin për të ngritur imazhin e Bartomeut dhe për të ulur atë të kundërshtarëve të tij.
Ndërkaq, janë zbuluar edhe disa nga mesazhet e shpërndara nga ky program, teksa bien në sy akuzat çështjen e rinovimit të Mesit, përfshirjes në politikë të Pike, konsiderimi i Çavit dhe Pujol si njerëz që përdoren nga Font i cili është kundërshtar i Bartomeut.
Tashmë, pas publikimit të këtij skandali, klubit do i duhet dhe do ketë shumë për të shpjeguar ndërsa për momentin deklarojnë se nuk kishin dijeni për operimin e tillë të kompanisë.
