TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Protesta e 85-të radhazi kundër qeverisë është zhvilluar këtë të diel në Tiranë, me qytetarë që u mblodhën fillimisht në sheshin “Skënderbej” dhe më pas nisën marshimin drejt Kryeministrisë.
Pjesëmarrësit kanë përsëritur thirrjet për dorëheqjen e kryeministrit Edi Rama, ndërsa gjatë marshimit janë dëgjuar edhe thirrje për një “Shqipëri të Re” dhe ndryshim politik.
Protestuesit deklarojnë se largimi i Ramës nga detyra mbetet kërkesa e tyre kryesore dhe e panegociueshme. Në platformën e tyre kërkohet gjithashtu krijimi i një qeverie tranzitore me mandat 12-mujor, e cila do të përgatiste vendin për zgjedhjet e ardhshme.
Një tjetër kërkesë e ngritur nga protestuesit lidhet me shfuqizimin e disa nismave ligjore, të cilat ata i konsiderojnë të dëmshme dhe në kundërshtim me interesat e qytetarëve shqiptarë.
Protesta vijon me marshimin drejt godinës së Kryeministrisë, ndërsa qytetarët përsërisin sloganet kundër qeverisë dhe kërkojnë ndryshime të thella politike në vend.
