TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Gudrun Ure, aktorja e njohur për rolin e Nënëmadhes “Super Gran”, në serialin popullor për fëmijët e viteve 1980, është ndarë nga jeta në moshën 98-vjeçare. Lajmi është bërë publik nga mbesa e saj, Kate McNeill, e cila tha se Ure vdiq në shtëpinë e saj në Londër.
Gudrun Ure lindi në Milton, Campsie, afër Stirling, në vitin 1926 dhe u rrit në Glasgow. Në karrierën e saj të hershme, ajo aktroi në festivalin e Edinburgut, në Teatrin e Fëmijëve dhe në një version skenik të vitit 1951 në “Othello”, me protagonist dhe drejtor Orson Welles. Më vonë, aktorja u shfaq në dramat televizive “Casualty” dhe “Midsomer Murders”. Nënëmadhja ndahet nga jeta në moshën 98-vjeçare
Por Ure njihet më së shumti për rolin e saj të jashtëzakonshëm si Nënëmadhja “Super Gran”, një rol që e mori në moshën 59-vjeçare. Personazhi i saj kishte forcë dhe aftësi mbinjerëzore, pasi u godit nga një rreze magjike. Filmi përmbante efekte speciale të kohës dhe një karrocë magjike. Ai u bazua në librat e autorit për fëmijë, Forrest Wilson, botuar për herë të parë në 1978.
