TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një infermier në zemër të shpërthimit të koronavirusit në Itali ka deklaruar se mjekët janë në presion dhe ata po u japin përparësi pacientëve me shansin më të mirë për të mbijetuar.
Mauro D’Ambrosio, i cili punon në Spitalin Fatebenefratelli tha se të sëmurët me COVID-19 kalojnë më shumë se 15 ditë në kujdes intensiv, shumë më gjatë se mesatarja pesë deri në gjashtë ditë për pacientët e tjerë. Ndërsa fliste për Euronews, numri i të vdekurve kaloi mbi 1 mijë.
D’Ambrosio tha: “Nëse e kuptojmë se pacienti ka një çështje të rëndë shëndetësore deri në atë pikë sa të mos ketë asnjë mundësi [të jetojë] dhe ne duhet t’i japim shtratin ose të devijojë burimet për dikë që ka më shumë shanse të mbijetojë, [atëherë] kjo është një zgjedhje që – pavarësisht se është e vështirë për t’u pranuar nga ana etike – nga pikëpamja klinike mund të bëhet për t’i dhënë mundësinë për të mbijetuar [dikujt] në krahasim me dikë që ka shanse zero”.
D’Ambrosio është anëtar i sindikatës Nursing Up. “Stafi ynë është nën stres”, shton ai. “Në disa reparte spitalore, raporti midis pacientëve dhe infermierëve është 1 me 12-14, ndërsa duhet të jetë 1 me 6. Meqenëse ICU kërkon më shumë infermierë, sektorët e tjerë nuk kanë personelin e nevojshëm për t’u kujdesur për pacientët”.
Monica Trombetta, një infermiere që punon për të njëjtin sindikatë në Como, i tha Euronews se “ne jemi shumë të lodhur dhe të frikësuar. Dekretet e qeverisë ndryshojnë çdo ditë. Personeli nuk ka udhëzime të qarta për t’u marrë me këtë virus të ri dhe ndjehet i braktisur – jo nga spitali ynë, por është thjesht si një ndjenjë e përgjithshme. Infermierët kanë frikë të shkojnë në shtëpi dhe të infektojnë potencialisht të afërmit e tyre”.
