TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kryeministri i Greqisë, Aleksis Cipras, vizitoi Shkupin të martën, duke shënuar kështu të parën vizitë të një niveli kaq të lartë në vendin fqinj. Cipras u bë i pari kryeministër grek që viziton Maqedoninë e Veriut duke u takuar me homologun Zoran Zaev. Gjithçka u bë e mundur pas zgjidhjes së konfliktit për emrin. Mosmarrëveshja zgjati për rreth tre dekada, por siç ndodh në Ballkan, kur lind miqësia, ajo është më e fortë se kurrë.
Dy kryeministrat thanë se Marrëveshja e Prespës është një proces i pakthyeshëm, duke iu përgjigjur frikës së mos opozitat e rrëzojnë atë kur të vijnë në pushtet.
Mediat greke janë mbushur me detaje nga vizita, që nga selfie i Zaev me Cipras e deri tek ulja e kryeministrit grek në karrigen e lëkurës së homologut maqedonas.
Por një emër i veçantë po spikat në gazetat greke. Bëhet fjalë për vajzën e kryeministrit maqedonas, Zoran Zaev, Aleksandra. Mësohet se kur Cipras u fut në zyrën e Zaev, ky i fundit i tregoi atij foto të vajzës. Ai i tha se vajza është e lidhur me Ivan Prodanov dhe janë shumë të dshuruar.
Cipras qeshi kur po dëgjonte mbi detajet e kësaj lidhje, më pas u ul në karrigen e Zaev.
Gazeta Prototema shkruan se Aleksandra është vajza 24-vjeçare e kryeministrit 44-vjeçar. Ajo e ka vizituar disa herë Greqinë me të dashurin dhe duket se u pëlqen. Ajo është e famshme në rrjetet sociale me fotot e saj si modele.
