TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Administrata Tatimore ka prezantuar aplikacionin e ri “Denonco Evazionin”, përmes të cilit qytetarët mund të raportojnë në mënyrë të shpejtë dhe anonime rastet e dyshuara të evazionit fiskal dhe shkeljeve tatimore.
Aplikacioni është i disponueshëm në Apple Store dhe Google Play dhe, sipas Administratës Tatimore, u mundëson qytetarëve të denoncojnë në mënyrë të sigurt rastet e dyshuara të informalitetit.
Ndër shkeljet që mund të denoncohen janë moslëshimmi i kuponit tatimor, mos deklarimi i punonjësve, refuzimi i pagesës me kartë, çmime të paafishuara, apo edhe korrupsion.
Një nga veçoritë kryesore të aplikacionit është mundësia për të bërë raportime anonime, duke garantuar konfidencialitetin e qytetarëve që zgjedhin të denoncojnë shkeljet e dyshuara.
Sipas Administratës Tatimore, aplikacioni synon të forcojë bashkëpunimin me qytetarët në luftën kundër informalitetit dhe evazionit fiskal, si edhe të kontribuojë në rritjen e transparencës dhe respektimit të detyrimeve tatimore.
