TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Grupimi politik evropian Demokratët Evropianë (European Democrats) ka reaguar pas deklaratës së artistes me famë botërore Dua Lipa për "Flamingo Revolution", duke e cilësuar ndërhyrjen e saj si një moment që i ka dhënë jehonë ndërkombëtare debatit për mbrojtjen e mjedisit në Shqipëri.
Në një postim në rrjetet sociale, Demokratët Evropianë shprehen se kur Dua Lipa flet për "Flamingo Revolution", ajo i jep dukshmëri globale një çështjeje që, sipas tyre, çdo demokraci duhet ta përballet: "Kush përfiton realisht?".
Sipas grupimit, fjalët e këngëtares "çajnë përmes fasadës që rrethon një projekt luksoz të mbështetur nga interesa të fuqishme", ndërsa theksojnë se mbrojtja e natyrës nuk mund të sakrifikohet përmes ndryshimeve ligjore të miratuara me dyer të mbyllura dhe pa konsultim me qytetarët.
Demokratët Evropianë i bëjnë thirrje opinionit publik të përhapë mesazhin e Dua Lipës, duke deklaruar se "Edi Rama nuk mund të përballojë më të injorojë atë që kërkon populli shqiptar".
Sipas tyre, debati për mbrojtjen e mjedisit në Shqipëri ka kaluar tashmë kufijtë e vendit dhe po ndiqet nga opinioni ndërkombëtar, ndërsa zëri i Dua Lipës i ka dhënë çështjes një jehonë globale.
