TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Deputeti i LSI-së, Endrit Braimllari ka reaguar pas deklaratës së Prokurorit të Antimafias Italiane lidhur me fuqizimin e mafias shqiptare.
Përmes një postimi në “Facebook”, Braimllari shkruan se kryeministri Edi Rama e ka kthyer vendin në trafikun e lëndëve narkotike dhe drogërave të forta.
Më tej deputeti i LSI-së, denoncon se mafia shqiptare është fuqizuar me urdhër politik të Edi Ramës.
Postimi:
Deklarata e Prokurorit të Antimafias Italiane mbi fuqizimin e mafias shqiptare vërteton atë çka ne kemi thënë prej kohësh. Edi Rama e ka kthyer vendin në trafikun e lëndëve narkotike dhe drogërave të forta.
Mafia shqiptare është fuqizuar me urdhër politik të Edi Ramës.
Edi Rama përkrahu dhe frymëzoi grupet kriminale në vend duke i fuqizuar dhe forcuar jo vetëm nga ana monetare por dhe duke i siguruar suportin shtetëror. Kemi denoncuar prej kohës trafikimin e lëndëve narkotike dhe drogërave të forta, fuqizimin e grupeve kriminale me suportin e drejtpërdrejt të Edi Ramës.
Radarët të cilët monitoronin vijën bregdetare fikeshin dhe ndizeshin nga grupet kriminale me urdhër politik të Edi Ramës. Kapërcimi i sigurisë së kufijve nga grupet kriminale bëhet me urdhër të Edi Ramës i cili vendosi ish- Ministrin e tij të Brendshëm dhe gjithë Policinë e Shtetit në funksion të organizatave kriminale në vend.
Mafia shqiptare është fuqizuar me urdhër politik dhe bosi që drejton trafikun është vetë Edi Rama. TPZ.AL
