TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Pamje tronditëse nga Italia, e cila prej ditësh po përballet me motin e keq dhe zona më e goditur është ajo e Emilia Romagna-s.
Në një video të publikuar nga mediat italiane, një grua tregon se shtëpia e saj nuk ekziston më, pasi është përmbytur nga uji.
Ajo nuk i mban dot lotët gjatë rrëfimit, teksa tregon se çfarë ka ndodhur.
"Shtëpia ime është atje në fund, ishte atje në fund. Kisha një apartament të vogël në katin përdhes. Ishte një tatëpjetë që zbriste poshtë dhe ishte një apartament i vogël që nuk është më sepse është varrosur nga metra e metra ujë. Për mua është një tragjedi kjo, nuk mund ta pranojmë.
Shtëpia ime është pushtuar nga uji. Nuk do ia dalim kurrë kësaj tragjedie. Është shkatërrim. Si mund të rrimë pa shtëpi. Kishim dy kanarina dhe një mace, nuk janë më. Nuk është më asgjë", rrëfen mes lotësh gruaja.
