TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një aksident ka ndodhur pasditen e kësaj të enjte në Tiranë. Dy makina janë përplasur me njëra-tjetrën tek mbikalimi pranë Fabrikës së Miellit.
Sipas policisë, nga përplasja është dëmtuar një 2-vjeçar i cili ishte pasagjer në njërën prej makinave.
Ai është dërguar në spital ku ndodhet nën kujdesin e mjekëve.
Njoftimi i policisë:
Më datë 21.04.2022, te mbikalimi te Fabrika e Miellit, janë përfshirë në një aksident mjetet me drejtues shtetasit E. G., A. S., dhe A. B.
Si pasojë e aksidentit është dëmtuar një i mitur 2-vjeçar, i cili ndodhej pasagjer në mjetin me drejtues shtetasin E. G., dhe ndodhet në spital nën kujdesin e mjekëve.
Grupi hetimor ndodhet në vendngjarje dhe po punon për sqarimin e rrethanave të aksidentit.
