TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Presidenti Bajram Begaj, i pyetur sot nga gazetarët për dakordësinë e dhënë në lidhje me ligjin që rrit pagën e tij, deputetëve dhe administratës, tha se nuk ka dhënë menjëherë dakordësinë, por ka marrë ditët që i ka dhënë Kushtetuta për ta vlerësuar si duhet me ekspertët e ekonomisë.
Ai theksoi se ligji në fjalë bëhet për të rregulluar piramidën e pagave në vend për administratën e lartë publike dhe magjistratët.
“Në fakt nuk shkon me frymën e kësaj konference. Presidenti në fakt zbaton kushtetutën dhe ligjet e vendit. Dua të sqaroj që nuk ishte një vendim i deputetëve, Ishte një ligj i votuar me shumicë dhe konsensus.
Ligji në fjalë bëhet për të rregulluar piramidën e pagave në vend, në administratën e lartë publike dhe pagat e magjistratëve. Përmendët që u lexua dakordësia e presidentit. Ligji studiohet, vlerësohet nga deputetët. Presidenti ka dhënë pëlqimin paraprak që ligji të hyjë në fuqi pas dekretimit, por jo përmbajtjen e ligjit.
Presidenti ka marrë kohën e vet në momentin që erdhi. Kam marrë ditët që më ka dhënë kushtetuta për ta vlerësuar si duhet ligjin nga ekspertët e ekonomisë. Nuk është dhënë miratimi paraprak për ligjin. Është dhënë dakordësia për hyrjen në fuqi të ligjit në momentin e dekretimit”, tha Begaj.
