TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Partia Demokratike pritet të nisë shumë shpejt përgatitjet intensive për garën elektorale të bashkive në zgjedhjet vendore të vitit 2027, ku vëmendja kryesore mbetet te Bashkia e Tiranës.
Në një dalje publike për mediat, kryetari i PD-së, Sali Berisha, ka deklaruar se strukturat do të aktivizohen në një kohë të afërt, duke theksuar se procesi i primareve mbetet një mundësi e hapur dhe se nuk ka asnjë vendim zyrtar për t’i përjashtuar ato.
I pyetur nga gazetarët nëse mjeku dhe figura e njohur e opozitës, Ilir Alimehmeti, mund të jetë një kandidat potencial për drejtimin e kryeqytetit, Berisha e vlerësoi atë si një personalitet të shquar të Partisë Demokratike dhe të Tiranës, por theksoi se gjithçka do të përcaktohet zyrtarisht nga vendimmarrja e javëve të ardhshme.
Zhvillimet paralajmërojnë një dinamikë të re në kampin e opozitës në prag të përgatitjeve për sfidat e ardhshme zgjedhore.
