TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Dy tornado të fuqishme kanë goditur qytetin bregdetar të Marsalës, në Siçilinë perëndimore të Italisë, duke shkaktuar dëme të konsiderueshme materiale dhe duke plagosur dhjetëra persona.
Erërat e forta përmbysën automjete, dëmtuan ndërtesa dhe goditën edhe një shkollë ku ndodheshin 273 nxënës në momentin e kalimit të fenomenit ekstrem të motit.
Pamjet e publikuara në rrjetet sociale tregojnë dy vorbulla të fuqishme që formohen mbi det dhe lëvizin drejt bregdetit, duke shkaktuar panik te banorët. Fuqia e erës shkaktoi dëme në banesa, ndërtesa dhe automjete, ndërsa xhamat e thyer dhe objektet e marra nga era plagosën disa persona.
Sipas informacioneve paraprake, dhjetëra persona mbetën të plagosur, ndërsa të paktën 11 prej tyre u dërguan në spital për të marrë trajtim mjekësor.
Mes të plagosurve më rëndë është një 70-vjeçar, i cili u transportua në spitalin e Mazara del Vallo-s në gjendje kritike, pasi kishte pësuar disa fraktura si pasojë e motit ekstrem.
Goditet shkolla me 273 nxënës, gjashtë fëmijë të plagosur
Një nga momentet më shqetësuese ishte goditja e një shkolle në Marsala, ku në atë kohë ndodheshin 273 nxënës.
Gjashtë fëmijë pësuan lëndime të lehta, përfshirë prerje dhe gërvishtje. Fatmirësisht, të gjithë nxënësit u evakuuan në mënyrë të sigurt nga ndërtesa.
Pamjet e regjistruara me dron pas kalimit të tornadove tregojnë dëme të konsiderueshme brenda ambienteve të shkollës, si dhe dëmtime në fasadën e ndërtesës dhe në dritare.
Ndërkohë, pamjet nga qyteti tregojnë automjete të përmbysura, makina të mbuluara nga balta dhe ndërtesa të dëmtuara.
Ekipet e emergjencës ndërhynë për t’u ardhur në ndihmë të prekurve dhe për të vlerësuar dëmet e shkaktuara nga fenomeni ekstrem i motit.
Terrifying tornado FLIPS cars, rips through Sicily tourist hotspot Cars overturned, buildings damaged as twister hits Marsala Unverified footage from Insider Paper / Italia 24H Live https://t.co/VpaWRjcooR
— RTVisual (@RT_Visual_on_X) October 9, 2026
🌪️ A violent tornado has struck Marsala and Petrosino, causing severe damage and multiple injuries across western Sicily. The extreme winds ripped roofs off homes, scattered debris across roads, and flipped a car into a ravine, seriously injuring two people. The Alcide De Gasperi school in Strasatti was also hit while classes were in session, resulting in injuries to several school children. The weather event developed initially as strong waterspouts over the Mediterranean Sea before making landfall and tearing through inland areas. https://t.co/a8iVnQJXdh
— Volcaholic 🌋 (@volcaholic1) October 9, 2026
A tornado struck western Sicily, Italy, on Friday, damaging homes, a school and several cars, some of which were overturned by powerful winds. 10 people, including five children, were hospitalized, according to Trapani Mayor Giacomo Tranchida. https://t.co/H0FEa0XBOX
— CBS News (@CBSNews) October 9, 2026
