TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kryeministri i Kosovës Ramush Haradinaj ka përsëritur kundërshtimin e tij për ndryshimin e kufijve. Madje e quan “Eksperiment” ndryshimin e kufijve në Ballkan.
Haradinaj deklaroi se kjo retorikë politike duhet të ndalet, Kosova nuk e ka luksin që të lëshohet në temën e ndryshimit të kufirit.
Haradinaj tha se do të dëshironte të mbetej i rezervuar ndaj një kërkesë të përfaqësuesve të Preshevës, Medvegjës e Bujanocit, që Kuvendi i Kosovës të miratojë një rezolutë si mbështetje politike që këto komuna të Serbisë, t’i bashkohen Kosovës.
Haradinaj tha se loja me kufi mund të jetë shumë e rrezikshme.
Deklarata e Haradinaj:
Është eksperiment i rrezikshëm loja me kufi e territore. Jam kundër këtyre eksperimenteve dhe i lus të gjithë që të kenë kujdes.
Të gjithë ne jemi të vetëdijshëm se sa me rrezik është loja me kufi në Ballkan. E dimë nga e kaluara, sa herë janë hapur nuk dihet ku janë mbyllur dhe në të mirën e kujt. Sa herë janë hapur nuk është ditur se ku do të mbyllen, pas sa tragjedive dhe në të mirën e kujt.
Shpresojmë që edhe opozita do t’i jap përkrahje këtij ekipi. Kishim një gjendje ku opozita dhe Lista Serbe nuk e kanë përkrahur, por të shohim si do të rrjedhin gjërat.
TPZ.AL
