TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Start-upet e mbështetura përmes skemës së granteve për periudhën 2024-2025 kanë shënuar rritje të aktivitetit, punësimit, të ardhurave dhe numrit të klientëve.
Ministrja e Ekonomisë dhe Inovacionit, Delina Ibrahimaj, ndau sot në rrjetet sociale disa të dhëna mbi ecurinë e këtyre bizneseve pas financimit përmes skemës së granteve.
Ajo theksoi se përmes Skemës së Granteve, Startup Albania mbështet start-upet shqiptare në rrugëtimin e tyre drejt rritjes dhe zhvillimit të qëndrueshëm.
Sipas statistikave të publikuara, numri i punonjësve në start-upet e financuara është dyfishuar, nga 3 punonjës në vitin 2024 në 6 punonjës në vitin 2025.
Edhe të ardhurat e këtyre bizneseve kanë shënuar rritje gjatë periudhës së marrë në analizë, me një rritje prej 142.21% nga viti 2024 në vitin 2025.
Në të njëjtën kohë, numri i klientëve është rritur nga 2 në vitin 2024 në 5 klientë në vitin 2025.
Të dhënat, sipas ministres Ibrahimaj, tregojnë ecurinë e start-upeve pas mbështetjes financiare dhe ndikimin e skemës së granteve në zgjerimin e aktivitetit të tyre.
