Kryemadhi: Deputetët e PS, të kërcënuar nga kriminelët e Ramës

Monika Kryemadhi është e bindur që populli do të rrëzojë qeverinë e Kryeministrit Edi Rama me protestën e tij.

Duke folur në një lidhje të dretjpërdrejtë për Të Paekspozuarit në Top Channel këtë të enjte, ajo thotë se Rama ka probleme edhe vetë brenda PS dhe se deputetët e mazhorancës ndjehen të kërcënuar.

“Problemi Edi Ramës është ai që ndjen brenda PS, nuk është opozita problemi i Edi Ramës. Atë do ta rrëzojë popullli se nga brenda çdo deputet që do t’i dalë kundër do t’i çojë kriminelin tek shtëpia që t’i kërcënojë gruan dhe fëmijët”, deklaroi ajo.

Sipas Kryemadhit, Rama është trembur, sidomos pas zgjedhjes së Prokurores, Arta Marku.

“Veprimet e tij tregojnë frikë, pas 18 dhjetorit bën veprime që tregojnë frikën dhe që është vetëm dhe mbrohet nga disa kone që lehin për të krijuar zhurmë rreth figurës së tij madhështore për të krijuar imazhin e një lideri ndërkombëtar”, u shpreh ajo.

Kryetarja e LSI-së kërkoi bashkimin e të gjitha forcave politike opozitare kundër Ramës.

E pyetur rreth zerave qe po qarkullojne se LSI do qe ta braktise marrëveshjen me opozitën, “do jeni me PD këtë pjesën që vjen apo me PS?”, Kryemadhi u shpreh:

Ne jemi në front kundër krimit të organizuar që ka përfaqësuesin e tij Ramën dhe Rama përfaqëson cdo segment…më mirë të ikim në shpi, kush të ka thënë ty që ne do jemi me Erion Veliajn? U ca duke blerë këshilltarët e LSI dhe tani janë bërë pishman se i ka lene ne mes te rrugeve”.

“Legalistë, ballistë, republikanë, komunistë që të gjithë duhet të bëhemi bashkë sepse është një betejë kundër krimit”, deklaroi Kryemadhi.

Ndersa ka renditur edhe bashkite qe pritet te humbase PS sepse ne zgjedhjet e fundit i ka fituar bashke me LSI.

“Bashkite Fier, Patos, Roskovec, Lushnje, Divjakë, konkluzioni LSI-PD dhe të gjitha partitë e fronit opozitar, se këtu është cështje fronti ska më bindje politike është front kunsër një të keqeje më të madhe, ky front pa dallim feje krahine e ideje ka një qëllim të rrëzojë Edi Ramën”.

Më tej, kryetarja e LSI-së u shpreh e bindur se negociatat nuk do të hapen dhe se ndër kushtet edhe vëna është e reforma zgjedhore.