TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Jay Clayton do të marrë zyrtarisht detyrën si drejtor i Inteligjencës Kombëtare të Shteteve të Bashkuara të hënën, pas konfirmimit të tij nga Senati amerikan, njoftoi drejtori në detyrë i Inteligjencës Kombëtare, Bill Pulte.
Përmes një postimi të shtunën, Pulte bëri të ditur se tranzicioni drejt drejtimit të ri do të përfundojë të hënën. Konfirmimi i Clayton u miratua këtë javë nga republikanët në Senatin amerikan, pavarësisht kundërshtimeve të forta të demokratëve dhe një seance konfirmimi të shoqëruar me debate.
Sipas Reuters, Clayton, i cili ka shërbyer si prokuror i SHBA-së për Distriktin Jugor të Nju Jorkut, do të mbikëqyrë 18 agjenci të inteligjencës amerikane.
Ai merr drejtimin e Inteligjencës Kombëtare pas largimit të Tulsi Gabbard në qershor. Mandati i saj u karakterizua nga përplasje me demokratët në Kongres, të cilët e akuzuan se promovonte agjendën politike të presidentit amerikan Donald Trump dhe pretendime të rrëzuara lidhur me zgjedhjet.
Gjatë seancave të konfirmimit, demokratët kritikuan Clayton për refuzimin e tij të përsëritur për të pranuar në mënyrë të drejtpërdrejtë se Donald Trump humbi zgjedhjet presidenciale të vitit 2020 përballë kandidatit demokrat Joe Biden.
