TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Në kuadër të Takimit Ministror të Nivelit të Lartë “Slavkov 3 – Ballkani Perëndimor”, ministri për Evropën dhe Punët e Jashtme, Ferit Hoxha, zhvilloi në Vjenë një takim me ministren Federale të Austrisë për Evropën, Claudia Bauer.
Gjatë takimit, Hoxha dhe Bauer diskutuan mbi procesin e anëtarësimit të Shqipërisë në Bashkimin Evropian, agjendën e vazhdueshme të reformave, si dhe prioritetet kyçe në kuadër të negociatave.
Ministri i Jashtëm shprehu vlerësimin e Shqipërisë për mbështetjen afatgjatë dhe të palëkundur të Austrisë ndaj rrugëtimit të vendit tonë drejt BE-së, si dhe ndaj së ardhmes evropiane të Ballkanit Perëndimor.
Sipas ministrit Hoxha, kjo mbështetje përfaqëson një kontribut domethënës për ndërtimin e një Evrope më të fortë, më të bashkuar dhe plotësisht të integruar.
Nga ana e saj, ministrja austriake Claudia Bauer veçoi përparimin e Shqipërisë me negociatat e anëtarësimit, duke e cilësuar atë si një shembull pozitiv të një procesi, që bazohet te merita e vendeve kandidate.
Takimi u fokusua gjithashtu në mundësitë për forcimin e mëtejshëm të marrëdhënieve të shkëlqyera dypalëshe dhe bashkëpunimit mes dy vendeve, duke u mbështetur në dialogun e ngushtë politik dhe lidhjet e forta mes Shqipërisë dhe Austrisë.
