TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një krim i rëndë në familje tronditi mbrëmë Librazhdin dhe jo vetëm, ku një burrë vrau me thikë gruan dhe më pas u hodh nga kati i katërt i apartamentit dhe gjeti vdekjen. Ngjarja ndodhi në lagjen “Shkumbin”.
Mësohet se të dy burrë e grua Daut dhe Lule Gjokola, kanë qenë të vetëm në banesë kur ndodhi krimi, ndërsa dy fëmijët e tyre të rritur nuk ishin prezent.
Deri më tani ka dyshime se krimi i dy-fishtë ka ndodhur për shkaqe xhelozie, qw e shtyn edhe 53-vjeçarin të ndërmarrë akt makabër, duke vrarë me thikë gruan, 49 vjeçe, dhe më pas u hodh.
Njoftimi i policisë:
Në lagjen “Shkumbin”, Librazhd, në banesë shtetasi Daut Gjokola 53 vjeç, gjatë një konflikti për motive të dobëta ka goditur me mjet të mprehtë (thikë) bashkëshorten e tij shtetasen Lule Gjokola 49 vjeçe, dhe me pas shtetasi Daut Gjokola është hedhur nga kati i katër i apartamentit të tij, për pasojë ka humbur jetën.
Bashkëshortja e tij është transportuar menjëherë për në spital por si pasojë e plagëve të marra ka humbur jetën sapo ka mbërritur në spital.
Në vendngjarje ndodhet grupi hetimor dhe po punon për sqarimin e plotë të rrethanave të ngjarjes./BW
