TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Deputeti i Partisë Socialiste, Spartak Braho ka kritikuar kreun e qeverisë, Edi Rama, për ceremoninë e rivarrimit të eshtrave të Mid’hat Frashërit.
Braho në një intervistë për “Dita” ka thënë se e ka përcjell me trishtim dhe indinjatë qëndrimin e kryeministrit, për të nderuar Mid’hat Frashërin, të cilin e quajtur si kryekolaboracionistin e pushtuesve fashist.
Ai tha se ky akt ishte një provokim dhe që do ti kushtojë rëndë kësaj qeverie.
“Është pak të them se e përcolla me trishtim. Me indinjatë po, si të gjithë veteranët antifashistë, si gjithë socialistët. Ua kam deklaruar qëndrimin tim kundër, para se të bëhej kjo ceremoni.
Ishte krejtësisht e panevojshme të provokoheshin ndjenjat e popullit me një gjest të tillë.
Me pak fjalë, mund të them se nderimi i një kryekolaboracionisti të pushtuesve fashistë si Mit’hat Frashëri do t’i kushtojë rëndë kësaj qeverie”, shprehet Braho.
