TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Momenti vendimtar i sezonit gjen Milanin si mos më keq dhe jo vetëm për moralin përtokë pas rezultateve aspak bindëse në ndeshjet e fundit. Takimi i sotëm ndaj Udinezes ka parë kuqezinjtë të përballen me dy telashe jo të vogla, pasi kanë humbur për dëmtime titullarë të rëndësishëm që në pjesën e parë të sfidës.
Fillimisht ishte portieri Donaruma ai që u detyrua të ngrinte flamurin e bardhe dhe të kërkonte zëvendësim pas pak më shumë se 10 minutash lojë, duke i lënë vendin në fushë Pepe Reina, si pasojë e një problemi muskulor.
Ndërkohë, para fundit të pjesës së parë, kuqezinjtë e Gatuzos humbën edhe një tjetër protagonist, brazilianin Pakueta i cili ndrydhi kaviljen dhe ndonëse provoi të qëndronte në fushë, e kishte të pamundur që të vazhdonte takimin, duke i lënë vendin Kastijehos.
Në emergjencë të plotë, telashet e kuqezinjve i zgjidhi përkohësisht i zakonshmi Piotek, i cili i dha avantazhin në fund të pjesës së parë skuadrës së tij me një gol me kokë. Për fatin e keq të kuqezinjve, ata nuk arritën të ruanin avantazhin deri në fund të ndeshjes pasi në pjesën e dytë u ndëshkuan nga një kundërsulm i Lazanja, i cili dërgoi topin në portën e Reinas pasi mbrojtja u gjend plotësisht e papërgatitur.
Milani u përpoq me çdo formë që të gjente një tjetër gol, por nuk ia doli dhe në fund barazimi 1-1 i komplikon edhe më shumë qëndrimin në katërshen e parë, pasi u jep mundësinë ndjekësve që t’u afrohen më shumë kuqezinjve në luftën për vendin që të çon në Champions. /vipsport.al/
Milan-Udineze 1-1
45’ Piotek / 65′Lazanja
