TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Donald Trump teksa ka komentuar konfliktin në Ukrainë, pohoi se po të ishte ai president, do të kishte zgjidhur konfliktin për 24 orë.
Ish-presidenti amerikan tha se do të takohej me presidentin rus Vladimir Putin dhe homologun e tij ukrainas, Zelensky, për t’i dhënë fund konfliktit në Ukrainë. “Unë nuk mendoj në aspektin e fitores dhe humbjes. Mendoj në aspektin e zgjidhjes së situatës, kështu që duhet të ndalojmë vrasjen e të gjithë këtyre njerëzve,” tha ai në CNN.
Trump shpjegoi se nëse do të ishte president, do ta zgjidhte konfliktin brenda 24 orëve. Ish-presidenti shtoi se ai e konsideronte Putinin si shumë të zgjuar, por, sipas tij ai bëri një gabim duke nisur operacionin ushtarak në Ukrainë.
