TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një shtetas holandez në qytetin e Landgraaf e mbajti babanë e tij të vdekur në një frigorifer për më shumë se një vit, në mënyrë që ai të mund "të fliste akoma me të", sipas mediave lokale.
Burri, emri i të cilit nuk është bërë publik, i tha medias holandeze "1 Limburg" se babai i tij vdiq 18 muaj më parë në moshën 101-vjeçare.
“Nuk doja të humbisja [babain tim]. Ndryshe do të më mungonte ai”, tha burri, 82 vjeç, për median.
Policia e Landgraaf thotë se ata po hetojnë situatën, por nuk dyshojnë për motive të tjera në vdekjen e të moshuarit.
“Aktualisht jemi duke hetuar vdekjen e këtij personi dhe pse eshtrat u vendosën në një frigorifer”, tha policia e Landgraaf në një deklaratë, raporton Evening Standard.
Policia e mori vesh situatën kur ish-mjeku i të vdekurit lajmëroi policinë, raporton De Limburger.
Policia e Landgraaf thuhet se gjeti shtëpinë e 82-vjeçarit në rrëmujë dhe po i jep atij një javë kohë për të pastruar përpara se autoritetet të vlerësojnë nëse ai është i aftë të jetojë vetëm.
Një fqinj tha për gazetën holandeze AD se burri ishte i sëmurë me një tumor dhe shkonte rregullisht në spital.
Në vitin 2015, policia holandeze mësoi se një burrë e mbajti të fshehur trupin e nënës së tij të vdekur për më shumë se dy vjet dhe vazhdoi të mblidhte pagesat e pensionit dhe të ndihmës sociale. Ai u kap më vonë dhe u detyrua të kthente 40,000 euro, sipas 1 Limburg.
