TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Gjykata Themelore në Prishtinë ka caktuar masën e paraburgimit prej një muaji ndaj D.B. dhe E.B., të dyshuar për veprimtari që lidhen me terrorizmin dhe përhapjen e urrejtjes ndërfetare. Vendimi u mor pas kërkesës së Prokurorisë Speciale, duke u bazuar në rrezikun për arratisje, ndikim në dëshmitarë dhe mundësinë e përsëritjes së veprave penale.
Sipas aktakuzës, dy të dyshuarit kanë shpërndarë në rrjetet sociale materiale që mbështesin organizatën terroriste ISIS, kanë vendosur flamurin e saj mbi çatinë e shtëpisë dhe kanë bërë grafite me përmbajtje arabe. Për më tepër, në videot e publikuara në “TikTok” dhe “Facebook”, ata kanë shprehur përkrahje të qartë për ideologjinë ekstremiste dhe armiqësi ndaj institucioneve vendore e ndërkombëtare.
Gjykata vlerësoi se rrezikshmëria shoqërore e veprimeve të tyre është e lartë dhe masat alternative ndaj paraburgimit janë të pamjaftueshme. Të dy dyshohen për nxitje të përçarjes fetare dhe pjesëmarrje në formacione të huaja paraushtarake. Palët e pakënaqura kanë të drejtë ankese në Gjykatën e Apelit.
