TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Në këtë proces të çuditshëm zgjedhor dhe pandemik, ndodhi edhe më e pandodhshmja.
Një nga njerëzit më të rëndësishëm, të spikatur, drejtori i reformës në drejtësi, Ulsi Manja, është kthyer në shishe vere.
Nuk dihet ende, nëse kjo verë, është prej rrushi a ndonjë frut tjetër i panjohur deri më sot.
Etiketa që vesh shishen, ka ngjyrat e Rilindjes, fytyrën e butë dhe të mjekërrzuar të Ulsi Manjës dhe mesazhin elektoral, “Shqipëria e Ardhmja Jonë”.
Dihet me saktësi, që njeriu që e pi këtë verë, edhe po të jetë demokrat, dehet dhe shkon me vrap për të votuar Rilindjen.
Vera “Ulsi Manja”, lejohet të hapet vetëm në 25 prill, nga mëngjesi, deri dy orë para mbylljes së kutive të votimit.
Kush dëshiron, le të pijë lëngun e kësaj shishe dhe të votojë Ulsiun… Kaq.
