TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Partia Socialiste do të ketë tre anëtarë, ndërsa Partia Demokratike dy dhe Lëvizja Socialiste për Integrim një anëtar të Komisioneve të Zonave të Administrimit Zgjedhor për zgjedhjet e pjesshme vendore të 6 marsit.
Komisionit Qendror i Zgjedhjeve u mblodh këtë të hënë dhe miratoi projekt aktin “Për caktimin e partive politike që do të propozojnë anëtarët dhe sekretarët e Komisioneve të Zonave të Administrimit Zgjedhor për zgjedhjet e pjesshme vendore për kryetar bashkie në bashkitë Shkodër, Dibër, Durrës, Vorë, Rrogozhinë dhe Lushnje të datës 6.3.2022”.
Ndërkohë në mesditë u vendos që do të hidhet shorti për anëtarin e shtatë të KZAZ-ve.
Ky anëtar i shtatë, sipas KQZ-së do të ndahet mes PD-së dhe PS-së.
Përfaqësuesi ligjor i PD në KQZ, Marash Logu kërkoi që hedhja e shortit të bëhet sa më shpejt “sepse të shtunën komisioni Rregullator ka miratuar afatin që është dita e nesërme dhe është e nevojshme që partitë politike për anëtar e sekretar të procedojnë sa më shpejt”.
