Ultrasit holandezë përbuzin thirrjen e policisë, nisen me flakadanë drejt stadiumit (VIDEO)

Tifozët e Feynoord të cilët nuk kanë siguruar dot një biletë për të hyrë në stadium, janë ngritur nga "Fan zona" që ishte vendosur për ta në Pedonalen e Tiranës, i janë drejtuar stadiumit "Air Albania".

Ata kanë nisur të ndezin flakadanë, të cilët dihet se nuk i kanë marrë nga Holanda, pasi kanë kaluar kontrolle në dy aeroporte, por siç duket i kanë siguruar në Shqipëri.

Tifozeria nuk e ka respektuar thirrjen që është bërë nga autoritetet që të qëndrojnë në zonën e përcaktuar, por vijojnë të ecin drejt Bulevardit Dëshmorët e Kombit. Me një slogan në dorë “Il barbari”, ata vijojnë rrugën, duke kënduar këngë të skuadrës së tyre të zemrës.