TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Deputetja e Partisë së Lirisë Monika Kryemadhi ka folur për protestën e parashikuar më 6 dhjetor në Tiranë.
Kryemadhi u shpreh se atë ditë nuk do të jetë prezente për shkak të një vizite në Bruksel por që gjithsesi sipas saj është e domosdoshme në një moment të tillë që forcat politike, mediat, shoqëria civile t’i tregojë Europës se çfarë realisht po ndodh në Shqipëri.
Ajo fajësoi aleatët ndërkombëtare që sipas saj kanë lejuar kryeministrin e vendit Edi Rama të “kapë” sistemin e drejtësisë.
“Unë do të jem në Bruksel, është shumë e rëndësishme që të gjitha forcat politike, gazetarët dhe shoqëria civile që mbahet me paratë e shtetit të artikulojnë atë që po ndodh vërtet në Shqipëri.
Instalimi i diktaturës dhe krimit nga qeveria, sot kemi një SPAK qe kërcënohet për Inceneratorët, paguajmë 29 euro tonin e mbetjeve pa incenerator dhe dëgjojmë njoftime qesharake për ekspertiza të mbetjeve, kemi disa lëvizje me të vërtet qesharake të drejtësisë që bën fajtorë partnerët tanë që lejuan Ramën ta kapë sistemin e drejtësisë.
Unë mendoj që protesta është paqësore, është për t’u treguar Ramës dhe segmenteve që kanë sponsorizuar atë se shumica e shqiptarëve aspirojnë BE-në dhe po cenohet media e lirë këtu, për të devijuar editorialin e saj, këtu është një shtet autokratik që është një kopje e shëmtuar e diktatorëve në rënie e sipër”-përfundoi Kryemadhi.
