AKTUALITET, 25 Shtator 2022, 17:52

Përfshihet nga flakët magazina me rroba në Qytetin Studenti

Përfshihet nga flakët magazina me rroba në Qytetin Studenti

Një magazinë me rroba në Qytetin Studenti, në Tiranë, është përfshirë nga flakët pasditen e kësaj të diele.

Nga informacionet paraprake bëhet me dije se si pasojë e zjarrit ka vetëm dëme materiale., ndërkohë që ekipet zjarrfikëse ndodhen në vendngjarje dhe po punojnë për shuarjen e flakëve.

Nuk dihen ende shkaqet apo rrethanat e rënies së zjarrit.

Tiranë/Informacion paraprak

Më datë 25.09.2022, në Qytet Studenti, ka rënë zjarr në një magazinë me rroba, dhe si pasojë e zjarrit ka vetëm dëme materiale.

Në vendngjarje ndodhen shërbimet e Policisë dhe shërbimet e zjarrfikëses, të cilat po punojnë për fikjen e zjarrit.

Grupi hetimor po punon për zbardhjen e plotë të  rrethanave të ngjarjes.