TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Pas reagimit të Ambasadës Amerikane në Tiranë sa i takon incidenteve në Kuvend, vjen reagim nga Ambasada Britanike në Shqipëri. Përmes në mesazhi në rrjetin social ‘Facebook’, Ambasada britanike i bën thirrje palëve politike që të punojnë për garantimin e punës në Parlament.
REAGIMI
Ambasada Britanike në Tiranë shpreh shqetësimin lidhur me zhvillimet më të fundit në Parlamentin e Shqipërisë. Një parlament që funksionon dhe dialogu konstruktiv mes përfaqësuesve të zgjedhur janë thelbësorë për të garantuar legjislacionin dhe shërbimet në mënyrë efektive. U bëjmë thirrje shumicës dhe opozitës të punojnë së bashku për të garantuar që parlamenti të mund të ushtrojë rolin e tij mbikëqyrës dhe të veprojë në interesin e të gjithë qytetarëve.
