AKTUALITET, 30 Maj 2023, 10:13

I kërkuan dorëheqjen pas humbjes, Berisha: Ata do të vdesin me emrin tim në gojë. Na mbështesin 500 mijë qytetarë

I kërkuan dorëheqjen pas humbjes, Berisha:  Ata do të vdesin me

Pavarësisht humbjes së thellë në zgjedhjet e 14 majit përballë mazhorancës dhe kërkesave të shumta për dorëheqje për bashkimin e PD-së zyrtare, duket se tërheqja nuk është në planet e Sali Berishës.

Në një intervistë për emisionin “QuoVadis” në “Vizion Plus”, Berisha deklaron se ndonëse kundërshtarët politikë kërkojnë dorëheqjen e tij, kjo nuk do të ndodhë.

“Unë në 2013 komunikova dorëheqjen nga të gjitha funksionet dhe absolutisht kam qëndruar i dorëhequr përveçse në parlament edhe në atë rrjetin social si një avokat i interesit publik në atë mënyrën time, siç e gjykoj unë.

Ika, por çfarë ndodhi, e patë çfarë ndodhi. 

Kush tha? Ata kanë lindur e do të vdesin me emrin tim në gojë, të ikë Berisha, po ajo s’përbën kriter”,  u shpreh Berisha.