AKTUALITET, 17 Shtator 2023, 16:33

Dyshohet se tregtonin heroinë nga apartamenti i tyre, përfundojnë në pranga dy shqiptarë në Itali

Dyshohet se tregtonin heroinë nga apartamenti i tyre, përfundojnë

Autoritetet policore në Torino të Italisë kanë vënë në pranga një çift shqiptarësh, pasi këta të fundit u kapën me më shumë se 2 kilogramë heroinë.

Mësohet se policia italiane ka arrestuar një 56-vjeçare shqiptare dhe partnerin e saj 61-vjeçar, pasi të dy dyshohen se shisnin lëndën narkotike nga apartamenti i tyre.

Brenda banesës së tyre u gjetën edhe disa gramë kokainë, si edhe mjetet përkatëse për ndarjen e drogës dhe përgatitjen e saj për shitje.

Sakaq, të dy shqiptarët janë arrestuar dhe akuzohen për posedim të lëndëve narkotike me qëllim tregtimin e tyre.