TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Drogat nuk janë të vetmet probleme që hasin oficerët e sigurisë në shkolla. “Nuk është vetëm përdorimi i drogës, por një sërë elementësh të tjerë si dhuna fizike, psikologjike, seksuale, dëmtime, konflikte mes nxënësve, mes mësues nxënës dhe ato mes prindërve,” – u shpreh Gerti Janaqi, nga Agjencia e Sigurimit të Cilësisë së Arsimit.
Vitin shkollor që lamë pas, sipas një raporti të ministrisë së Arsimit, ishin regjistruar 2750 raste të dhunës. Ajo që vihet re është se është ulur mosha e nxënësve problematikë. “Vihet re që sa më i madh qyteti, aq më të shtuara janë problematikat. Ka një trend ku problematika është më e madhe në moshat e gjimnazeve, por ka filluar që edhe klasa e nëntë të shfaqë probleme të tilla,” –tregoi Janaqi.
Policia ka ndërmarrë një sërë masash për parandalimin dhe shpërndarjen e lëndëve narkotike në shkolla. Çdo person që lëviz dhe qarkullon në afërsi të godinave të shkollave, në një rreze prej 50 metër nga oborri rrethues, do të mbahet në vëzhgim. Në muajin mars, 24 persona mes tyre 2 vajza prej shumë kohësh shpërndanin droga të të gjitha llojeve në kryeqytet.
