TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Policia e Filadelfias ka nisur kërkimet për një burrë të maskuar me një maskë kukulle, i cili dyshohet se ka terrorizuar dhe kërcënuar disa banorë pranë Bashkisë së qytetit.
Sipas autoriteteve, vetëm gjatë javës së kaluar rreth gjashtë persona janë ngacmuar ose kërcënuar nga i dyshuari. Policia ka publikuar fotografi dhe një video të tij, duke kërkuar ndihmën e qytetarëve për identifikimin dhe gjetjen e tij.
Një nga incidentet më shqetësuese ndodhi më 12 gusht, rreth orës 05:30 të mëngjesit. Një kamerë sigurie regjistroi burrin teksa ndiqte një grua që po vraponte në rrugë. Sipas policisë, ai i tha asaj: “A je gati të vdesësh?”
E frikësuar nga kërcënimi, gruaja u pengua dhe u plagos. Pas incidentit, i dyshuari u largua drejt një stacioni metroje, ku humbi gjurmët.
Shefi i Policisë së Filadelfias, Jason Smith, tha se burri dyshohet se po filmonte incidentet me celularin e tij, të cilin e mbante me dritën ndezur.
I dyshuari përballet me akuza që përfshijnë kërcënime terroriste, sulm dhe vepra të tjera penale.
“A do të garosh me mua?”
Një tjetër dëshmitare, Luanda Marinho, tregoi për CBS se e kishte takuar burrin e maskuar gjatë një vrapimi në mëngjes, së bashku me një shoqe.
“Ai filloi të pyeste: ‘A do të garosh me mua? Vë bast se jam më i shpejtë se ti. A do të garosh me mua?’”, rrëfeu ajo.
Sipas saj, burri e përsëriti pyetjen disa herë, por ato nuk iu përgjigjën.
“Ishte shumë e çuditshme”, tha Marinho, duke shtuar se pas incidentit ajo dhe shoqja e saj po mendonin të ndryshonin itinerarin e vrapimit.
“Ishte thjesht e çuditshme, si një lojë e çoroditur”, u shpreh ajo.
Policia vijon hetimet dhe u ka bërë thirrje qytetarëve që kanë informacion për identitetin ose vendndodhjen e burrit të kontaktojnë autoritetet.
