TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Arrestohet Arjan Shahaj, 35 vjeç, djali që akuzohet se vrau babain me sëpatë në fshatin Shalë në Memaliaj.
Ai u kap teksa po largohej nga fshati Levan në Tepelenë. Shahaj po hipte në një furgon për t’u larguar në momentin kur 7 policë, e kanë zbuluar. I riu ka bërë rezistencë dhe ka kundërshtuar policët gjatë arrestimit.
Një ngjarje e rëndë ka ndodhur sot në Memaliaj, ku Arjan Shahaj vrau me sëpatë pas një sherri verbal, babain e tij 77-vjeçar Ilijaz Shahaj.
Babë e bir ishin duke përpunuar bimë medicinale, në momentin kur janë konfliktuar. Pas vrasjes, i riu u largua deri në arrestim. Shahaj, i dënuar me 8 vite burg për plagosje.
NJOFTIMI I POLICISË
Si rezultat i veprimeve të shpejta, marrjes së informacionit dhe bashkëpunimit me DVP Fier, më Levan të Fierit, u bë e mundur kapja e autorit të vrasjes së shtetasit I. Sh., 77 vjeç, banues në fshatin Shalës, Memaliaj.
Policia e Fierit pas marrjes së informacionit se autori i vrasjes, shtetasi Arjan Shaha, 35 vjeç, djali i viktimës, po lëvizte me një fugon në drejtim të Tiranës, ka ndërhyrë menjëhërë duke ndaluar mjetin dhe duke arrestuar autorin e vrasjes, i cili do të transportohet në Gjirokastër për veprime të mëtejshme.
