TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Policia Rrugore e Fierit ka vijuar monitorimet me dron veçanërisht për parkimet e gabuara.
Në një njoftim zyrtar bëhet me dije se këto kontrolle bëhen edhe për lëvizjet e makinave gjatë orareve të hyrjes dhe daljes pranë shkollave publike dhe jopublike.
Njoftimi i plotë
Me fillimin e vitit të ri shkollor 2026–2027, shërbimet e Policisë Rrugore në Drejtorinë Vendore të Policisë Fier, në zbatim të detyrave të parashikuara në planin e masave për rritjen e sigurisë rrugore, krahas disiplinimit të lëvizjes gjatë orareve të hyrjes dhe daljes pranë shkollave publike dhe jopublike, kanë shtuar kontrollet edhe në rrugët e tjera urbane, kryesore dhe dytësore, në qendrat e banuara.
Kontrollet e alternuara, me burime njerëzore dhe nëpërmjet përdorimit të teknologjisë, kanë për qëllim jo vetëm disiplinimin e parkimit, në përputhje me rregullat e qarkullimit rrugor, por edhe rritjen e transparencës në trajtimin e ankesave të përdoruesve të rrugës lidhur me rastet e ndëshkimit në mungesë nga shërbimet e Policisë.
Duke marrë në konsideratë numrin e lartë të mjeteve që konstatohen në shkelje, kryesisht për parkime në rresht të dytë ose në rrugëkalime të mjeteve, të cilat shkaktojnë vështirësi dhe stres të përditshëm për përdoruesit e rrugës, Policia Rrugore i bën apel të gjithë qytetarëve të respektojnë rregullat e qarkullimit rrugor, të tregojnë përgjegjshmëri dhe të shmangin parkimet e parregullta.
Këto masa synojnë garantimin e një qarkullimi sa më të lirë dhe të sigurt, veçanërisht gjatë sezonit të ri shkollor.
