TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
O.Cishkeku, 19-vjeçari nga Dibra është arrestuar nga Policia e Tiranës, pasi dyshohet se gjatë protestës së zhvilluar një ditë më parë në Tiranë ka thyer me sende të forta xhamat e dritareve të godinës së Gjykatës Kushtetuese.
Në vijim të hetimeve, 5 persona të tjerë janë vënë nën hetim për veprime të kundërligjshme gjatë protestës.
Hetimet përfshijnë disa vepra penale, mes tyre shkatërrimin e pronës, pengimin e qarkullimit dhe kundërshtimin e punonjësve të policisë.
Njoftimi i policisë:
Tiranë
Në vijim të veprimeve hetimore dhe procedurale të kryera nga shërbimet e Drejtorisë Vendore të Policisë Tiranë, në lidhje me veprimet e kundërligjshme të kryera gjatë tubimit të zhvilluar dje:
-u arrestua në flagrancë shtetasi O. C., 19 vjeç, banues në Dibër, pasi dyshohet se ka thyer me sende te forta, xhamat e dritareve të godinës së Gjykatës Kushtetuese;
-u proceduan në gjendje të lirë 5 shtetas, autorë të dyshuar të veprimeve të kundërligjshme gjatë këtij tubimi.
Materialet procedurale iu referuan Prokurorisë, për veprime të mëtejshme, për veprat penale "Shkatërrimi i pronës”, “Organizimi dhe pjesëmarrja në grumbullime e manifestime të paligjshme”, “ Prishja e qetësisë publike”, “Pengimi i qarkullimit të mjeteve të transportit”, “Kundërshtimi i punonjësit të policisë së rendit publik” dhe “Shkelja e rregullave mbi lëndët plasëse dhe djegëse”.
