TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Cristiano Ronaldo është rikthyer në fushë me gol, duke nisur sezonin e ri në mënyrën më të mirë të mundshme. Portugezi shënoi në fitoren 4-0 të Al-Nassr ndaj Al-Riyadh, në javën e dytë të kampionatit saudit.
41-vjeçari e nisi ndeshjen nga stoli dhe u aktivizua në minutën e 62-të, kur Al-Nassr kishte krijuar një avantazh të sigurt 3-0. Pas pak më shumë se 20 minutash në fushë, Ronaldo gjeti rrjetën dhe vulosi rezultatin përfundimtar.
Goli erdhi në minutën e 83-të, pas një pasimi të Ayman Yahyas. Ronaldo kontrolloi topin brenda zonës, u kthye me shpejtësi dhe me të majtën e dërgoi topin në rrjetë.
Me këtë realizim, Ronaldo arriti në 977 gola në karrierë, duke mbetur vetëm 23 gola larg shifrës historike të 1000 golave.
Por rekordi nuk është i vetmi arritje e veçantë. Ronaldo ka shënuar tashmë në 25 sezone radhazi, duke kaluar rekordin e Zlatan Ibrahimoviç, i cili kishte realizuar në 24 sezone.
Fitorja ndaj Al-Riyadh ishte e dyta radhazi për Al-Nassr në kampionat. Para Ronaldos, në listën e golashënuesve të ndeshjes u regjistruan Abdulelah Al-Amri, Ângelo Gabriel dhe João Félix.
Rikthimi i Ronaldos vjen pas një periudhe mungese, pasi ai nuk ishte aktivizuar në ndeshjet e para të sezonit. Përballë Al-Riyadh, trajneri Ange Postecoglou vendosi ta ruante fillimisht në stol, përpara se ta hidhte në fushë në pjesën e dytë.
Kështu, Ronaldo e nis sezonin e tij të 25-të profesional me një gol dhe vazhdon garën drejt një prej rekordeve më të mëdha individuale në historinë e futbollit: 1000 golave në karrierë.
هدف! ⚽️
— رياضة ثمانية (@thmanyahsports) August 21, 2026
كريستيانو رونالدو يدخل بقوة ويضيف الهدف الرابع للنصر ?#الرياض_النصر | #دوري_روشن_السعودي pic.twitter.com/H5M5Hcy5p1
