TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një burrë 44-vjeçar me shtetësi britanike dhe azerbajxhanase është arrestuar nga autoritetet qipriote për spiunazh në bazën ajrore të Akrotirit, në emër të Gardës Revolucionare Iraniane, sipas Sky News.
Sipas raportit, i arrestuari quhet Rashad Sultanov. Ai u ndalua si pjesë e një hetimi të kryer nga Policia Kundër Terrorizmit në Londër (CTP) për incidentet që ndodhën në bazën ajrore britanike të Akrotirit, midis 11 majit dhe 22 qershorit 2025. Sipas ‘Sky News’, 44-vjeçari azerbajxhanas dyshohet se ka spiunuar në bazë dhe më pas i ka kaluar informacione Gardës Revolucionare Iraniane.
Arrestimi thuhet se u bë pas një ndjekjeje penale nga prokurorët britanikë sipas Aktit të Sigurisë Kombëtare. Kreu i Shërbimit Kundër Terrorizmit të Londrës tha se rasti “tregon se ne mund ta zbatojmë Aktin e Sigurisë Kombëtare jashtë vendit kur bazat ushtarake britanike dyshohet se janë në shënjestër të aktorëve shtetërorë armiqësorë”.
