TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Specialistët e Seksionit për Hetimin e Narkotikëve, në bashkëpunim me specialistët e Seksionit të Mbështetjes Operacionale për Hetimin, shërbimet e Forcës së Posaçme “Shqiponja” dhe të Komisariatit të Policisë Kurbin, bazuar në informacionet e siguruara, organizuan dhe finalizuan operacionin e koduar “Blindi”, në kuadër të të cilit u arrestuan në flagrancë shtetasit E.Picaku, 35 vjeç, dhe Z.Kolndreu, 31 vjeç, të dy banues në Laç.
Këta shtetas u kapën nga shërbimet e Policisë në qytetin e Laçit, duke lëvizur me një automjet luksoz të blinduar, tip “BMW”, që drejtohej nga shtetasi E.Picaku
Nga verifikimet rezultoi se shtetasi E.Picaku kishte thyer masën e sigurisë “Arrest në shtëpi”, caktuar nga Gjykata e Apelit Tiranë, për veprën penale “Prodhimi dhe shitja e narkotikëve”.
Shtetasit Z. Kolndreu, pasagjer në automjet, gjatë kontrollit fizik iu gjet një sasi lënde e dyshuar narkotike Cannabis Sativa, ndërsa gjatë kontrollit në banesë iu gjetën një jelek antiplumb dhe një armë e ftohtë (shpatë).
Automjeti i blinduar, që dyshohet se është përfituar nga të ardhura me burime të dyshimta, lënda narkotike, sendet e kundërligjshme dhe 3 celularë u sekuestruan në cilësinë e provës materiale.
Vijojnë hetimet për dokumentimin e veprimtarive të kundërligjshme të këtyre shtetasve.
Materialet procedurale iu referuan Prokurorisë, për veprime të mëtejshme.
